Бүгүн, 26-октябрда Талас шаардык кеңешинин кезектеги 24- сессиясында жыйындар залына сырттан кирип келген аялдар ызы-чуу салып сессияны үзгүлтүккө учуратышты.
Бул тууралуу КСДП фракциясынын аймактык лидери Айбек Сүйүнтбеков кабарлады.
Анын айтымында, буга чейин шаарды социалдык-экономикалык жактан өнүктүрүү боюнча 9 айда аткарылган иштердин жыйынтыгы каралып, мэрдин отчету канааттандырарлык эмес деп табылган. Андан соң депутаттар күн тартибиндеги кийинки маселени карап башташкан. Шаардык кеңештин депутаты Асыл Рыскулбекова баяндама жасап жаткан учурда, мэр Айдар Жузупбековдун артынан залга кирип кирип келген 4 аял аны оозго алгыс сөздөр менен урушуп, баяндамасын аягына чыгартпай коюшкан. Депутат айым булардын үстүнөн Талас ШИИБине арыз жазгандыгын билдирген.
КОММЕНТАРИЙ КАЛТЫРУУ