Терек, Ой-Тал, Кызыл-Жар айылдарынын тургундары кубатуулугу 3 баллга жеткен силкинүүнү сезишти.
Кыргыз Республикасынын Илимдер академиясына караштуу Сейсмология институтунун маалыматына караганда, жер титирөө 27-октябрда түнкү саат 02.48 чамаларында катталган. Анын кубаттуулугу 3,5 баллга жеткен.
“Жер титирөөнүн очогу Терек айылынан батышка 5 чакырым, Кызыл-Жар айылынан түндүк батышка 7 чакырым, Ой-Тал айылынан түштүк-чыгышка 9 чакырым, Чычырканак айылынан батышка 10 чакырым, Кайын-Талаа айылынан түндүк батышка 10 чакырым, Кондук айылынан түштүк-чыгышка 13 чакырым, Ак-Богуз айылынан түштүк-чыгышка 15 чакырым, Оштон түштүк-чыгышка карай 120 чакырым, Нарындан түштүк-батышка карай 190 чакырым алыстыка жайгашкан”- деп билдиришкен институттан.
Терек, Ой-Тал, Кызыл-Жар айылдарында кубаттулугу 3 балл,Кондук, Кан-Коргон, Коо-Чаты айылдарында 2,5 баллды түзгөн
Булак:KyrgyzToday
КОММЕНТАРИЙ КАЛТЫРУУ