“Ноябрь айында өтө турган элдик Курултайдын негизги максаты – бул президент Сооронбай Жээнбеков менен экс-президент Алмазбек Атамбаевди элдештирүү”, – деп билдирди бүгүн, 29-октябрда экс-генпрокурор Азимбек Бекназаров “Азаттык” радиосунун “Эки бир” берүүсүндө журналисттердин суроосуна жооп берип жатып.
“Бул экөөсүнүн тиреши түндүк-түштүк бөлүнүүсүнө алып келет. Бул кылымдардан бери кыргыздардын канында бар. Ошондуктан булар “эсиң барда этегиңди жап” деп эпке келиши керек. Мен экөөсүнө тең жолугайын деп жолуга албай жатам. Алардын тирешинин себептерин тереңирээк билейин дегем. Атамбаев бир жерин кысып олтурбаса бирди көрөт”, – деди Азимбек Бекназаров.
КОММЕНТАРИЙ КАЛТЫРУУ