Баткен облусунун Кадамжай районунда жолдошу жубайын өз жанын кыйууга жеткиргендиги учун 5 жылга эркинен ажыратылды. Бул тууралуу Кадамжай райондук сотунан билдиришти.
Маалыматка караганда, Кадамжай районунун жашоочусу Сардорбек Неметжонов жубайын такай ур-токмокко алып, басынтып келген. Анын натыйжасында маркум уксус кислотасын ичип, өз жанын кыйган.
“Айыпталуучу күнөөсүн жарым-жартылай мойнуна алды. Анын айтымында, жубайы кайненеси менен көп урушуп, үй милдеттерин так аткарбай келген. Окуя болгон күнү жолдоштор дагы урушуп, жубайы аны үйүнө жеткирүүнү айткан. Шектүү жубайын бир нече күндөн кийин үйүнө жеткирерээрин айткан, бирок ал бир нече убакыттан кийин жуунучу бөлмөгө киргенде, жубайы уксус ичип алган. Айыпталуучу маркумду сактап калууга аракет кылганын билдирген, бирок ал реанимациядан көз жумган”-деп жазылган соттун чечиминде.
Булак:KyrgyzToday
КОММЕНТАРИЙ КАЛТЫРУУ