Кыргызстандагы эң аз пенсиянын көлөмү 1000 сом болсо, эң жогорку пенсия 100 миң сомго чейин жетет. Бул тууралуу Социалдык фонддун төрагасынын орун басары Эсен Нурдинов бүгүн 31-октябрда парламенттин жыйынында депутаттардын суроолоруна жооп берип жатып билдирди.
“Пенсиянын көлөмү жарандардын алган айлыгына жараша 1000 сомдон 100 миң сомго чейин жетет. Учурда кыргызстанда 648 миң пенсионер бар. Аларга 50 миллиард сомдун тегерегинде пенсия төлөнөт. Эгерде жарандар камсыздандыруу төлөмдөрүн убагында төкпөсө алар мамлекет тарабынан пенсия албай калышы мүмкүн”,-деди Нурдинов.
Булак: Кyrgyztoday
КОММЕНТАРИЙ КАЛТЫРУУ