Ушул жылдын башынан бери Бишкек шаарында жугуштуу кызылча (корь) оорусунун бир учуру катталды. Учурда 7 айлык кыздын өлүмү текшерилип жатат. Бул тууралуу бүгүн, 31-октябрдагы Бишкектеги маалымат жыйында Республикалык иммунизация жана вакцинация борборунун адиси Гүлбара Ишенапысова билдирди.
Адис кошумчалагандай, быйыл январь-октябрь айларында 500 адам кызылчага кабылды. Анын ичинен 48 пайызы бир жашка чыга элек балдар. Ооругандардын 300ү Бишкекте болсо, 100ү Чүй облусунун тургундары экени маалым болду.
Ал белгилегендей, бул дарттын күчөп кетүү коркунучтары олуттуу жана 1 жашка чейинки балдарга бат жугат. Ал эми пландык эмдөө иштери балдарга 1 жаштан 6 жашка чейин жүргүзүлөт.
КОММЕНТАРИЙ КАЛТЫРУУ