Кыргызстандын жана Түркияныын Саламаттыкты сактоо министрликтери жүргүзгөн сүйлөшүүлөрдүн натыйжасында Түркия кыргыз жарандарына дарыланууга берилүүчү квоталарынын санын 150гө чейин көбөйттү. Бул тууралуу Саламаттыкты сактоо министрлигинин басма сөз кызматы билдирди.
2015-жылдан бери тараптар кыргыз жарандарына Түркиядан жогорку квалификацияланган жардам көрсөтүү келишимин ишке ашырып келет. Ага ылайык жылына 100 квота каралган.
Тандоону атайын комиссия жүргүзөт.
Кыргызстандын Саламаттыкты сактоо министрлигине 50 квота берилет, ошончо эле квотаны Түркиянын Кыргызстандагы элчилиги алат. Транспорттук чыгымдарды, тамак аш, жашоочу жер жана документтерди которуу чыгымдарын бейтаптар өзүлөрү чыгарат.
Булак:KyrgyzToday
КОММЕНТАРИЙ КАЛТЫРУУ