Кечээ, 7-ноябрда Жамааттык коопсуздук келишим уюмунун Астана шаарында өтүп жаткан жыйынынын алкагында Кыргызстандын Тышкы иштер министри Чыңгыз Айдарбеков менен Тажикстандын Тышкы иштер министри Сироджиддин Мухриддин эки тараптуу жолугушуу өткөрүштү. Бул тууралуу КРдин Тышкы иштер министрлигинин басма сөз кызматы билдирди.
Министрлер эки өлкөнүн ортосундагы тышкы саясат, маданият, соода-экономика тармактарындагы мамилелер боюнча сүйлөшүшүп, кыргыз-тажик кызматташтыгынын актуалдуу суроолорун талкуулашты.
Ошондой эле министр Ч. Айдарбеков акыркы учурда эки мамлекеттин мамилеси тыгыз байланышып, эки тараптуу иш алып баруулар болуп жатканын белгилесе, Тажикстандын Тышкы иштер министри С. Мухриддин бул жолугушуу эки тараптын келечекте иш алып баруусу боюнча сүйлөшүүгө мүмкүнчүлүк түзгөнүн айтты.
КОММЕНТАРИЙ КАЛТЫРУУ