Чүй облусунун Сокулук районундагы Романовка айылында 40-45 жаш курактагы адамды унаа өлтүрө сүзүп кеткен. Бул тууралуу Жол кыймылынын коопсуздугун камсыздоо башкы башкармалыгынын маалымат кызматынан билдирди.
Маалым болгондой, жол кырсыгы 8-ноябрь күнү болжол менен саат 20.20 чамасында Романовка айылындагы Фрунзе көчөсүндө болгон. Анда жолдон өтүп бараткан 40-45 жаштардагы эркек кишини “Nissan Primera” үлгүсүндөгү унаанын айдоочусу сүзүп кеткен. Жаракат алган адам ошол жерден көз жумган. Анын өздүгү такталууда.
Учурда унаанын айдоочусу кармалып, тийиштүү экспертизалар дайындалып, Сокулук РИИБ тарабынан тергөө амалдары жүрүп жатат.
КОММЕНТАРИЙ КАЛТЫРУУ