Башкы прокуратура бирдиктүү салык декларациясында көрсөтүлбөгөн кыймылдуу жана кыймылсыз мүлктөрү бар бир нече судьяны жоопкерчиликке тартууга ниеттенип жатат.
Көзөмөл органдын маалыматына караганда, судьялардын мүлкү жашырылгандыгы тууралуу Салык кызматынан келген материалдарды карап чыккандан кийин белгилүү болгон.
Башкы прокуратура Соттор кеңешинин алдындагы Дисциплинардык комиссияга аталган судьяларды дисциплинардык жоопкерчиликке тартуу сунушун жөнөттү. Мындан тышкары комиссия ыйгарым укуктары аяктаган судьяларды дагы административдик жоопкерчиликке тартууга макулдук берүү маселесин карап чыгышы керек.
Буга чейин бийлик аткаминерлердин декларациясын текшерүү —коррупцияга каршы күрөштүн милдеттүү бир бөлүгү болорун билдирген.
Булак: “Борбор Азия жанылыктар кызматы”
КОММЕНТАРИЙ КАЛТЫРУУ