Саламаттыкты сактоо системасын реформалоодо учурдагы бар адистерди жана каражаттарды эффективдүү колдонуу керек. Бул тууралуу бүгүн, 16-ноябрда “Милдеттүү медициналык камсыздандыруу фондунун 2019-жылга карата бюджетин” талкуулоо боюнча парламенттик отурумда аталган мекеменин жетекчисинин орун басары Мадамин Мусаев билдирди.
“Бүгүнкү күндө каржылоонун басымдуу бөлүгү стационарларды камсыздоого кетип жатат. Эгерде биз биринчи жардамды жандандырсак, стационарларга болгон басым азаят” – деп белгилеген ал.
Ошондой эле аткаминер ооруканалардагы керебеттерди бөлүштүрүүдө дагы көйгөйлөр бар экенин белгиледи.
“Республикалык ооруканаларда 52,5 миң керебетүү орундар бар. Бирок алардын 25 миңи гана иштейт. Аларды эффективдүү бөлүштүрүүдө көйгөйлөр бар. Бизде мисалга калк аз болгон аймактарда керебеттүү орундар көп болгондугу жөнүндө маалыматтар бар. Андан сырткары, негизсиз госпитализациялоо боюнча дагы маселелер бар,” – деп билдирген Мусаев.
Булак:KyrgyzToday
КОММЕНТАРИЙ КАЛТЫРУУ