Menu

Түркмөн бийлиги газ жана суу үчүн акы төлөбөгөн жарандар соттоло турганын эскертүүдө

Бөлүшүү:

Түркмөнстанда жарандар газ гана суу үчүн он күндүн ичинде акы төлөбөсө, сот жоопкерчилигине тартыла тургандыгы жөнүндөгү эскертүүлөрдү алып жатышат. Бул тууралуу «Азаттыктын» түркмөн кызматы кабарлады.

Басылманын маалыматына караганда, газ кызматынын өкүлдөрү Ашхабаддын жана шаар четиндеги айылдардын жашоочуларынан эскертүүнү алгандыгы тууралуу тил кат жаздырып алышууда. Үйдө эч ким жок болсо, билдирүүнү калтырып кетип жатышат.

«Мындан тышкары, Түркмөнбашы жана Балканабад шаарларында, ошондой эле район борборлорунда полиция менен прокуратура кызматкерлери үйлөрдү кыдырып, тургундардан эсептегичтерди орнотууну талап кылышууда», — деп жазды басылма.

Түркмөн өкмөтү быйыл сентябрда 25 жылдан бери калкка бекер берилип келген газ жана сууга болгон жеңилдиктерди жойгон. Мындан соң жарандар өз эсебинен эсептегичтерди орнотууга милдеттендирилген.

Газ эсептегичтерин орнотуунун баасы 250 манат, бирок иш жүзүндө кыйла айырмаланып, 400 манатка чейин жетиши мүмкүн. (Түркмөнстандын Борбордук банкынын курсу боюнча, учурда 1 доллар 3,5 түркмөн манатына барабар).

Булак: “Борбор Азия жанылыктар кызматы”

Эгер бул тексттен ката таап калсаңыз, ошол ката сөздү белгилеп, Ctrl+Enter кнопкаларын чоогу басуу менен билдирип коюңуз.

КОММЕНТАРИЙ КАЛТЫРУУ

Төмөндө көрсөтүлгөн уячаларга керектүү маалыматтарды туура киргизгениңизди текшериңиз.HTML-код киргизүүгө уруксат жок.

Captcha 4 + 2 =

ОКШОШ МАКАЛАЛАР

Меню

Орфографиялык ката тууралуу Отчет

Редакцияга төмөнкү текст жөнөтүлөт: