Бишкек шаардык кеңешинин “Республика – Ата Журт” фракциясынын депутаты Канатбек Мүзүралиев Бишкектеги түштүк магистралдын боюнда салынып жаткан тротуар жана велосипед жолчосу кайсы каражаттарга курулуп жатканына кызыкты.
“Азиз Суракматов жаңы тротуар жана велосипед жолчолорунун курулушун баштады. Анын эмне кереги бар?Алар кайсы каражаттын эсебинен салынууда? Ал жерде азыр ушундай кызуу курулуш иштери жүрүп жатат, бирок жумуштар кыш келээрде, ноябрда башталды. Бул долбоордун бизге кереги барбы, же бул жөн гана мэрдин пиарыбы? Социалдык мекемелердин курулушуна болсо, акча жок. Бала бакчалардын жана мектептердин чатырларын алмаштырууга дагы акча жок болгондуктан, каражат ата-энелер фонддорунан алынууда,” – деп сын айтты депутат.
Борбор калаанын биринчи вице-мэри Алмаз Бакетаев каражат шаардык бюджеттин эсебинен бөлүнүп жаткандыгын жана велосипед жолчосу менен тротуардын курулушуна бөлүнгөн каражаттын суммасы 70 миллион сомду түзгөндүгүн билдирди.
Булак:KyrgyzToday
КОММЕНТАРИЙ КАЛТЫРУУ