Өкмөттүн жана Жогорку Кеңештин мурунку башчыларынын президент менен болгон жолугушуусунда Сооронбай Жээнбековго мурунку өкмөт башчы Турсунбек Чынгышев өз сунушун киргизген.
Анын айтымында, аталган жолугушуунун катышуучулары мындай иш чаралар өтө маанилүү экендигин белгилеп, өлкө башчыга ыраазычылыгын билдиришкен.
“Сын дагы айтылды, сунуштар дагы болду, жалпысынан абдан конструктивдүү жолугушуу өттү” – деп билдирген Т.Чынгышев.
Ал Сооронбай Жээнбековго губернаторлор институтун кайтарууну сунуштаган.
“Учурдагы регион жетекчилеринин ыйгарым укуктары жок. Алар өз региондорун кантип өнүктүрөт? Өзгөчө президент региондорду өнүктүрүү багытын тапшыргандан кийин, губернаторлорго социалдык жана экономикалык маселелерди өз алдынча чечүүгө мүмкүнчүлүк берүү керек” – деп белгилеген мурунку өкмөт башчы.
Булак:KyrgyzToday
КОММЕНТАРИЙ КАЛТЫРУУ