“Кыргызстанда 1990-жылдары курулуп башталып, алигиче бүтпөй келаткан мектептер бар, үстүлөрү жабылып, 70-80% бүтүп токтоп калган. Үч жылга жаңы мектеп салууну токтотуп туруп, ушундай бүтпөй турган мектептерди бүтүрүп албайлыбы”, – деп билдирди 23-ноябрдагы Жогорку Кеңештин “Өнүгүү-Прогресс” фракциясынын отурумунда депутат Абдыкапар Султанов КР Курулуш жана архитектура боюнча мамлекеттик агенттиктин жетекчилерине кайрылып.
“Кээ бир мектептер 90-жылдардан бери курулуп, бүтпөй келатканынан алды урай баштады. СДПКнын депутаттары кыйкырып койсо ошолор айткан мектепти куруп киресиңер, оппозициялык депутаттардын айтканын укпайсыңар… Ноокен районундагы “Достук” айыл өкмөтүнө караштуу Шамалды-Сай шаарчасында 1993-жылы башталган мектеп 25 жылдан бери бүтпөйт. Анткени Ноокен районунан СДПКдан депутат жок”, – деди Абдыкапар Султанов.
Булак: Кyrgyztoday.кg
КОММЕНТАРИЙ КАЛТЫРУУ