Экс-депутат Ташболот Балтабаевдин кызы Нүргүл Балтабаева быйыл май айыңда МАИ кызматкерине баш ийбей, өзүнүн “жол тандабасы” менен аны сүзүп кете жаздаган. Бул кылмыштуу окуянын тасмасы элге тарап, коомчулук Балтабаеваны катуу сынга алган. Эми Ленин райондук соту кутурган айдоочуну күнөөлүү деп таап, 20 миң сом айыпка жыкты. Албетте, экс-депутаттын кызы оңой кутулду. Же судьянын оозун майлап койгонбу? Мындай кутурган айдоочуларды жок эле дегенде 2-3 жылга айдоочулук укуктан ажыратуу керек болчу. Баса, бети жок кишилерге айла деле жок, бул айым тескерисинче МАИ кызматкерин күнөөлөп, “ал жанымдагы боюнда бар дос кызымды согуп жиберди”- деп айтып чыккан. Абийирсиздиктин да чеги болушу керек да…
Булак: «Багыт»
КОММЕНТАРИЙ КАЛТЫРУУ