Франциянын борбор шаары Парижде UFCнын жеңил салмактагы мушкери, орусиялык чемпион Хабиб Нурмагомедов менен америкалык белгилүү актер Леонардо Ди Каприо жолукту. Бул тууралуу мушкер Хабиб Нурмагомедов өзүнүн “Instagram” баракчасына жазып чыкты.
Ал сүрөттүн астына Леонардо Ди Каприо тууралуу “ал UFC жөнүндө менден да көп билет” деп жазган.
Айта кетсек, Парижде бир нече күндөн бери жүргөн атактуу спортчу Х. Нурмагомедов Чемпиондор лигасынын алкагында “ПСЖ — Ливерпуль” футбол беттешүүсүн көргөн.
Эскерте кетсек, орусиялык мушкер Хабиб Нурмагомедов UFCнын эң күчтүү балбандарынын бири. Ал 70 кг чейинки жеңил салмакта мушташат. Орусиялык балбандын рекорду 27 мушташта баардыгын жеңүү менен жыйынтыкталган.
КОММЕНТАРИЙ КАЛТЫРУУ