КР Жаштар иштери, дене тарбия жана спорт мамлекеттик агенттиги жеңил атлетчи Дарья Маслованы “Кыргызстандын 2018-жылдагы мыкты спортчу айымы” деп атады.
Кыргызстандын намысын коргогон жөө күлүк Дарья Маслова бул жылы 4 алтын жана бирден күмүш, коло медалдарды тагынган. Баарынан анын Индонезияда өткөн жайкы Азия оюндарындагы ийгилиги өзгөчө: анда ал 10000 метрге чуркоодон биринчи болуп, алтын алса, 5000 метрге чуркоодон күмүш медалга жеткен.
Ал эми, күлүк кыздын жеке машыктыруучусу Татьяна Борисова “2018-жылдын мыкты машыктыруучусу” деп табылды.
15-декабрда Бишкекте өткөн сыйлык тапшыруу аземине жакында эле турмушка чыккан Дарья Маслова өзү катышкан жок.
КОММЕНТАРИЙ КАЛТЫРУУ