Кечээ, 20-декабрда Кыргызстандын футбол боюнча улуттук курама командасы Катардагы Доха шаарында өткөн биринчи окуу-машыктыруучу оюнда жеңишке жетишти. Курама команда Иорданиянын командасы менен беттешип, 1:0 эсебинде жеңди. Бул тууралуу чет элдик маалымат каражаттыр жазып чыгышты.
Маалыматка ылайык, оюндун биринчи бөлүгү – 0:0 эсеп менен аяктаган. Мындай эсеп оюндун аягына чейин кармалып, акыр аягында, тагыраагы оюндун 87-мүнөтүндө Кыргызстандын атынан Турсуналы Рустамов гол киргизген.
Эскерте кетсек, 25-декабрда Кыргызстан менен Катардын командалары беттешет. Ал эми 31-декабрда Кыргызстан Палестина менен ойнойт.
КОММЕНТАРИЙ КАЛТЫРУУ