“Ата-Журт” партиясынын жетекчиси Камчыбек Ташиев 22-декабрда камактагы Өмүрбек Текебаевдин туулган күнүн куттуктап ооруканага барды. Ошол жерден жыландын башын кылтыйтты. Бир чети кошомат, бир чети тамаша кылып, “мамлекетти камакка жатып чыккан зектер башкарбасак” болбой калды дегенди айтты. Учурда Ташиевдин бул сөзү ар өңүттө талкууланып жатат. Көпчүлүк Ташиев президент Сооронбай Жээнбековдун колунан эч нерсе келбей калды дегенди ачык эле кыйытты дешип чечмелешти. Ырасында, элден өткөн тараза болбойт. Демек, Ташиевдин бийликке ичи чыкпай жатканы анык экен. Текебаевге кандай максатта айтса да, Жээнбековго карата ишеничи жоголуп, башка саясий арена издеп калганын туюнтту. Сыягы, бир жыл кызмат күтүп, үмүтү акталбай, чыдамы түгөнгөн окшойт.
Булак: «Багыт»
КОММЕНТАРИЙ КАЛТЫРУУ