Кыргыз Республикасынын Президенти Сооронбай Жээнбеков бүгүн, 21-январда Түркия Республикасынын Улуу улуттук жыйынын депутаттары Джевдет Йылмазды жана Лютфи Элванды кабыл алды. Бул тууралуу президенттин аппаратынын басма сөз кызматы билдирди.
Стратегиялык кызматташуунун Жогорку кеңешинин жыйынынын жыйынтыктары боюнча Кыргызстандын Мамлекет башчысы Сооронбай Жээнбеков менен Түркия Мамлекет башчысы Режеп Тайип Эрдогандын ортосунда жетишилген келишимдерди ишке ашыруу маселелери талкууланды.
Президент Сооронбай Жээнбеков эки тараптуу стратегиялык кызматташтыкты өнүктүрүүдө эки өлкөнүн парламентчилеринин ролун өзгөчө белгиледи.
КОММЕНТАРИЙ КАЛТЫРУУ