Кытай цемент заводунун айлана-чөйрөгө тийгизген таасири боюнча изилдөө жүргүзүлүшү керек. Бул тууралуу Жогорку Кеңештин мыйзамдуулук жана кылмыштуулук менен күрөшүү боюнча комитетинин отурумунда өнөр-жай, энергетика жана жер байлыктарын колдонуу боюнча мамлекеттик комитетинин төрагасы Эмил Осмонбетов билдирди.
Анын айтымында, заводдун курулушуна уруксат берилип жатканда эле экологиялык кортунду талап кылынган, бирок инвестор аны ушул убакытка чейин көрсөтө элек.
«Шанфен Зет цемент» заводу «Датка-Кемин» подстанциясынан 500 метр аралык алыстыкта жайгашкан.
Парламенттик комитет өкмөткө аталган заводдун курулушуна берилген уруксат боюнча 1-мартка чейин иликтөө жүргүзүп, анын мындан аркы тагдыры боюнча олуттуу чечим кабыл алууну тапшырды.
Булак:KyrgyzToday
КОММЕНТАРИЙ КАЛТЫРУУ