Фергана облусунда банктан 100 миң доллар уурдалды

Маалыматка караганда, акча уурдалганы иш күнү аяктагандан кийин белгилүү болгон. Дароо эле банкта иштеген бардык кызматкерлер кармалып, түнү бою сурак берип, үйлөрү тинтүүгө алынган.

Райондук ички иштер бөлүмүнөн (РИИБ) банктан 100 миң доллар жоголгонун ырастап, бирок азырынча аны ким уурдаганы боюнча божомолдор жок экенин билдиришти.

Бул ишти облустук ички иштер башкармалыгынын атайын тергөө тобу өз көзөмөлүнө алганы кабарланууда.

Иш менен жакындан тааныш булактар банкта былтыр октябрдан бери видеокөзөмөл камералары иштебей турганын билдиришти.

Булак: “Борбор Азия жаңылыктар кызматы”