– Туйгунаалы Дүйшөналиевич, сиз Чүй облусун башкарып жаткандан бери эмне иштерди жасап үлгүрдүңүз? Интригадан башка да иштер бар экенин унуткан жоксузбу? Дегенибиз, кулагыңыз саясий интригадан эле чыкпаса, иш кылды деген жакшы кабарыңыз угулбайт. Экс-президент Алмазбек Атамбаев менен учурдагы бийлик эгеси Сооронбай Жээнбековду элдештирем деп аракет көрүп жатканыңыз чынбы? Чын болсо майнап чыкчудайбы? Айткандай, дал ушундай ортомчулук миссия менен Дубайга чейин барып келгениңиз ыраспы? Деги кандай максатта көпүрөлүк кызматты аркалагыңыз келип жатат? Эл, мамлекет үчүнбү же жеке кызыкчылыгыңыз барбы? Анткени бул иштин арты менен өкмөт башчылыкты устукан катары алууга ниет кылып жатканыңыз кеп болууда. Өкмөт башчылык кызматты тартып кете аласызбы? Дарамет, деңгээлиңиз жетеби? Болбосо көптүн бири катары премьер болуп коюуну кыялданып отурасызбы? Айткандай, дал ушул кызмат үчүн атаандаш катары аты аталып жаткан Темир Сариевди иниңиз Канат Исаев экөөлөп Жогорку Кеңештин депутаты Элвира Сурабалдиеванын оозу менен элге жек көрсөтүп жатат деген божомолдордун канчалык чындыгы бар?..
Булак: «Фабула»
КОММЕНТАРИЙ КАЛТЫРУУ