Menu

Алматы полициясы активисттердин кармалышы боюнча түшүндүрмө берди

Бөлүшүү:

Алматынын полиция департаменти шаар акими Бауржан Байбектин 20-февралда өткөргөн жыйынына катышууга келген айрым активисттердин кармалышы боюнча түшүндүрмө берди.

Полиция коомдук тартипти бузуу фактыларынын алдын алганын билдирди. Маалыматтарга караганда, укук коргоо органдарынын эскертүүсүнө карабастан, бир нече киши акимдин катышуусундагы жыйынды үзгүлтүккө учуратууга аракет жасаган. Алар административдик укук бузуулар жөнүндөгү кодекске ылайык кармалган.

Кармалгандардын арасында Көк-Жайлау өзөнүндө курорт курууга каршы чыккан активист Андрей Бузыкин, укук коргоочу Ерлан Калиев, активист Марат Турымбетов бар. Алар полиция бөлүмүнө жеткирилип, бир нече сааттан кийин кайрадан бошотулган. Активисттер укук коргоо органдары мындай ыкма менен акимге ыңгайсыз суроолордун берилишинин алдын алышты деп эсептешүүдө.

Бир күн мурун оппозициячыл көз караштары менен таанымал активисттер Дильнар Инсенова менен Сахиб Жанабаева полиция кызматкерлери түн жамынып үйлөрүнө келип кеткенин билдиришкен.

Булак: “Борбор Азия жаңылыктар кызматы”

Эгер бул тексттен ката таап калсаңыз, ошол ката сөздү белгилеп, Ctrl+Enter кнопкаларын чоогу басуу менен билдирип коюңуз.

КОММЕНТАРИЙ КАЛТЫРУУ

Төмөндө көрсөтүлгөн уячаларга керектүү маалыматтарды туура киргизгениңизди текшериңиз.HTML-код киргизүүгө уруксат жок.

Captcha 29 − = 21

ОКШОШ МАКАЛАЛАР

Меню

Орфографиялык ката тууралуу Отчет

Редакцияга төмөнкү текст жөнөтүлөт: