АКШ президенти Дональд Трамп 25-февралда Вашингтондон Вьетнамга учуп кетти. Ал бул жакта Түндүк Кореянын лидери Ким Чен Ын менен экинчи саммиттин өткөрөт.
Эки өлкөнүн башчылары 27-28-февралда корей өзөктүк программасын талкуулоо үчүн Ханой шаарында жолугушат.
Трамп Вашингтондон чыгар алдында Твиттерге “денуклеаризациядан кийин Түндүк Корея бат эле экономикалык өсүштүн генератору болот. Ансыз – мурда кандай болсо, ошондой бойдон калат. Төрага Ким туура чечим кабыл алат”, – деп жазды.
Алгачкы саммит былтыр 12-июнда Сингапурда өткөн. Анда эки тарап “Корей жарым аралын өзөктүк куралдан толук арылтууну” үстүртөн макулдашкан.
Булак: “Борбор Азия жаңылыктар кызматы”
КОММЕНТАРИЙ КАЛТЫРУУ