Өзбекстандын Анжиян шаарындагы борбордук поликлиникада 26-февралда эртең менен газ жарылып, беш окуучу оор жаракат алды.
Күбөлөрдүн айтканына караганда, жарылуу окуучулар рентгенге түшүп жаткан учурда болгон.
Газ имараттын от жаккан бөлмөсүндө жарылганы айтылууда. Аты-жөнүн ачык айткысы келбеген күбө от жаккан бөлмө имараттын артында жайгашканын, ал жакта рентген да орун алганын, шаардагы №4 мектептин окуучулары өпкөсүн текшертип жаткан учурда катуу жарылуу болгонун айтып берген.
Быйыл 28-январда да Өзбекстандын Бекабад шаарындагы мектептин от жаккан бөлмөсүндө газ жарылып, бир киши каза таап, экөө жаракат алган.
Булак: “Борбор Азия жаңылыктар кызматы”
КОММЕНТАРИЙ КАЛТЫРУУ