Menu

Махабат Мавлянова, “Республика – Ата-Журт” фракциясынан ЖК депутаты: “Альтернативалык жолду биринчи, экинчи фаза боюнча текшерсе болот”

Бөлүшүү:

Комитетте түндүк-түштүк альтернативалык жолунун курулушу графиктен кечигип жатканы айтылды. Мунун себеби эмнеде?

– Транспорт министринин айтымында, тоннелди казганда жер борпоң чыгып атыптыр. Алдын ала долбоор боюнча жер катуу болушу керек эле. Ошонун натыйжасында долбоор боюнча күнүгө 3 метрден казуу пландаштырылса, азыр факт жүзүндө 70 сантиметрден гана илгерилеп жатат. Ал эми каржылоо жагынан жумушту артка тартчу эч кандай себептер жок.

– Кечээ биз уккан маалымат боюнча, тоннелдин узундугу 3815 метр экен. Азыр болгону 2100 метр гана казылыптыр. Мындай темп менен иш дагы бир топко созулуп, 2023-жылы бүтпөйт го?

– Азыр алдын ала айта албайбыз. Жогоруда айтылгандай, 3 метрдин ордуна 70 гана сантиметр жылып аткан болсо, убакыт төрт эсе көп коройт.

– ЖМКларда жолдун курулушуна чыгым болжолдогудан көп кетип атканы айтылууда. Бул канчалык так маалымат?

-Транспорт министрлигинин маалыматы боюнча, алар бир тыйын да кошумча каражат талап кылышпайт. Бардык жумуштар ошол пландагы эле суммага аткарылат.

– Анда аткарылган ишти текшерүүнүн зарылчылыгы жок экен да?

– Биринчи, экинчи фаза боюнча текшерсе болот. Көп нерселер аябай кымбатка келген. Ошон үчүн биз кошумча маалыматтар берилишин күтүп жатабыз.

Аттокур Жумаев

Булак: «Азия ньюс»

Эгер бул тексттен ката таап калсаңыз, ошол ката сөздү белгилеп, Ctrl+Enter кнопкаларын чоогу басуу менен билдирип коюңуз.

КОММЕНТАРИЙ КАЛТЫРУУ

Төмөндө көрсөтүлгөн уячаларга керектүү маалыматтарды туура киргизгениңизди текшериңиз.HTML-код киргизүүгө уруксат жок.

Captcha 34 + = 41

ОКШОШ МАКАЛАЛАР

Меню

Орфографиялык ката тууралуу Отчет

Редакцияга төмөнкү текст жөнөтүлөт: