Ардактуу айымдар!
Урматтуу мекендештер!
Сиздерди Кыргыз Республикасынын Жогорку Кеңешинин атынан 8-март – Аялдардын эл аралык күнү менен чын дилимден куттуктайм!
Аялзатынын коомдогу ролу өтө зор. Үй-бүлө түйшүгүн көтөрүп, коломтосунун очогун өчүрбөй, ишин да чоң жоопкерчилик менен аткарган аялзаты дайыма жакындарынын бактысы үчүн күрөшөт. Балдарына өмүрүн арнап, алардын татыктуу инсан болуп калынтанышында көп эмгек жумшайт.
Айрыкча, азыр эже-карындаштарыбыз билим берүү, медицина, экономика, айыл-чарба сыяктуу бардык тармактарда жигердүүлүк менен ийгилик жаратып, Кыргызстандын келечегине керектүү болгон бир катар социалдык долбоорлорду ишке ашырып келет. Биз алардын жарандык жигердүүлүгүнө жогору баа берип, акылмандыкты, аруулукту жана мээримдүүлүктү туу туткан улуулугуна таазим этебиз.
Кымбаттуу апалар жана эже-карындаштар!
Сиздерди дагы бир жолу майрамыңыздар менен куттуктайм! Ар бириңиздерге бекем ден-соолук, узак өмүр жана бакыт тилейм! Жаз күнүндөй жаркын маанайда, үй-бүлөңүздөрдүн куту болуп аман жүрүңүздөр! Ишиңиздерде ийгиликтер көп болсун!
Урматтоо менен,
Кыргыз Республикасынын
Жогорку Кеңешинин Төрагасы Дастанбек Жумабеков
КОММЕНТАРИЙ КАЛТЫРУУ