Ленин РИИБнин начальниги Мадияр Кулуев деген дугдуңдаган эргул бар. Канча министр алмашты, ал кетпейт, шаардын улам бир «майлуу» районуна которулуп, далай жылдан бери жыргап келатат. Же кыйраткан иши болсочу? Кызыгы, буга чейин эчен жазылып келген – Мадияр маал-маалында «больничкага» чыгып кетмейи, чоң чогулуштарга «себептүү» барбай койгону, иш убактысында кабинетин «ээнсиреткени» ж.б. Анын жумушундагы кемчиликтерине эч ким «кыңк» дей албайт: райондогу кылмыш иштери ачылбай калып атканы, көрсөткүчтөрү көңүл жылытпаганы, өздүк курамдын ичиндеги өйдө-ылдый сөздөр, айтор, кандай гана жагымсыз көрүнүштөр болбосун, мурдагы жогорку жетекчиликтери унчуга албаганы жалганбы? Мындан улам биз ойлоп атабыз, ал баарын «музоо кезинде сүзүп койгон» эмеспи? Эрксизден жылмаясың. Болсоң Ботогулдай эмес, Мадиярдай бол!
Булак: «Азия ньюс»
КОММЕНТАРИЙ КАЛТЫРУУ