Menu

Мамлекеттик каттоо кызматы паспорт чыры боюнча түшүндүрмө берди

Бөлүшүү:

Мамлекеттик каттоо кызматы тараткан маалыматка караганда, биометрикалык паспорттун бланктарын даярдоо боюнча тендер 2018-жылы 23-октябрда жарыяланган. Дээрлик бир айдан кийин, 19-ноябрда тендерге келген арыздар ачылып, анын ичинен беш ишкана тандалып алынган:

– «Muhlbauer ID Services GmbH «(Германия) — 686 772 250 сом;

– «Veridos GmbH» (Германия) — 936 347 750 сом;

– ЗАО «Гарсу пасаулис» (Литва) — 940 150 000 сом;

– «IDEMIA France SAS» (Франция) — 948 713 750 сом;

– «Банкнот фабрикасы» мамлекеттик ишканасы (Казакстан) — 1 257 847 112,5 сом.

Алгачкы тандоодо «Veridos», «Muhlbauer» ишканаларынын жана «Банкнот фабрикасынын» арыздары талапка жооп бербейт деген жүйө менен сынактан чыгарылган.

Ал эми 2019-жылдын 11-январында тендердик комиссия литвалык «Гарсу пасаулис» ишканасын жеңүүчү деп таап, франциялык «IDEMIA France SAS» ишканасына экинчи орунду берген.

Мамкаттоо белгилегендей, «Muhlbauer» жана IDEMIA ишканаларынын арызын иликтеген мекеме аралык комиссиянын тыянагы боюнча тендерде мыйзам бузуу аныкталган эмес, арыздар негизсиз деп табылган.

«Бул компаниялардын арыз мөөнөтү 2-апрелде аяктады. Азырынча жеңүүчү менен келишим түзүлө элек. «Мамлекеттик сатып алуу жөнүндө» мыйзамдын негизинде, мөөнөт бүткөнүнө жана келишим жоктугуна байланыштуу тендер өткөн жок. Жаңы муундагы биометрикалык паспорттун бланктары даярдалган жок. «Гарсу пасаулис» менен келишим түзүлгөн жок. Мамлекеттик бюджеттен бул ишканага эч кандай акы төлөнгөн жок, демек экономикалык зыян да жок» деп айтылат маалыматта.

16-апрелде башкы көзөмөл органы паспортко бланктарды даярдоо боюнча мыйзам бузуудан мамлекет 253 млн. 377 миң сом зыян тартканын маалымдаган.

Бул арада Бишкектин Биринчи Май райондук соту паспорт чырына шектелген Мамлекеттик каттоо кызматынын төрагасынын орун басары Руслан Сарыбаевди, статс-катчы Данияр Бакчиевди жана «Инфоком» мамлекеттик ишканасынын башчысы Талант Абдуллаевди эки айга камоо чечимин чыгарды.

Булак: “Борбор Азия жаңылыктар кызматы

Эгер бул тексттен ката таап калсаңыз, ошол ката сөздү белгилеп, Ctrl+Enter кнопкаларын чоогу басуу менен билдирип коюңуз.

КОММЕНТАРИЙ КАЛТЫРУУ

Төмөндө көрсөтүлгөн уячаларга керектүү маалыматтарды туура киргизгениңизди текшериңиз.HTML-код киргизүүгө уруксат жок.

Captcha + 87 = 89

ОКШОШ МАКАЛАЛАР

Меню

Орфографиялык ката тууралуу Отчет

Редакцияга төмөнкү текст жөнөтүлөт: