Бүгүн, 23-апрелде КР Жогорку Сотунун алдында Садыр Жапаров менен Өмүрбек Текебаевдин тарапкерлери өз лидерлерин абактан бошотууну талап кылып, митинг өткөрүштү. Ал митингде атамекенчи депутат Каныбек Иманалиев кезексиз сөз алганы үчүн, Садыр Жапаровдун тарапкери болуп келген жарандык активист Гүлжигит Исаков өз кезегин талашты. Натыйжада Каныбек Иманалиев абактагы Жапаровдун тарапкери Гүлжигит Исаковду “Атамбаев жөнөткөн провокатор! Муну жыйындан чыгарып жибергиле!” деп көкүтүп, чыр чыкты.
Гүлжигит Исаковдун айтымында, ал эрте менен эрте Садыр Жапаровду колдоп келип, сөз сүйлөөгө биринчилерден болуп жазылган. Бирок сөз сүйлөө кезеги ага жакындаганда митингди башкарып жатышкан атамекенчилер сөздү Каныбек Иманалиев баштаган атамекенчи депутаттарга кезексиз берип койгон.
Булак: Кyrgyztoday.kg
КОММЕНТАРИЙ КАЛТЫРУУ