Бишкектин Биринчи май райондук сотунда 22-апрелде мурдагы ички иштер министри Молдомуса Конгантиевдин иши боюнча сот отуруму өттү. Күбө катары катышкан мурдагы башкы прокурор Элмурза Сатыбалдиев: «Конгантиев 6-апрелде массалык маалымат каражаттарына маалымат берип, ошондон улам эл толкуп кеткен деп жатышат. Мен барып айттым, анын баары калп деп. Сурагымды берип, чыгып келе бердим. Конгантиев 7-апрель боюнча жабырлануучу болсо башка кеп, соттоп жатканын туура эмес деп ойлойм» – билдирди.
Эске сала кетсек, Экс-министр Конгантиевге козголгон иш «кылмыш аракети жок» деген жүйө менен кыскартылып кеткени былтыр ачыкка чыккан. Бул чечим коомчулукта сынга кабылгандан кийин президент Сооронбай Жээнбеков Башкы прокуратурага ишти иликтеп, тергөөнүн чечимине укуктук баа берүүнү тапшырып, иш кайра жанданган.
Булак: «Фабула»
КОММЕНТАРИЙ КАЛТЫРУУ