Өздөрү дайындаган өкмөттү «өлөсөлүү» деп сын айтып келген Жогорку Кеңеш өздөрү деле элдин эсинде кала турган чеке жылытаарлык иш жасаганын байкаганыбыз жок. «Биз бийликтин эң бийик бутагыбыз, биз элдин атынан шайланган өкүлүбүз, биз эл үчүн…» деп ар убак көкүрөк кагып келишкендери менен, негизинен саясий оюндардын курчоосунан чыга алышпады. Тоголонуп канчалаган токтомдору токулду, аягы жок. «Акыйкаттын чокусуна эмес, туу чокусуна чыгабыз» деп далайлаган комиссиялар түзүлдү, алардын кур дегенде бирөөсүнө эл ыраазы болдубу? Жок! Кыскасы, элдин атынан келип мамык орундукта отуруп алып төш каккандар темененин тешигиндей иш бүтүрө алышпады. Эң өкүнүчтүүсү, элдин атынан келип, элдин акчасы менен манчыркап олтурган эл өкүлдөрүнүн эл үчүн эч нерсе кыла албай жатышканы бул бүгүнкү парламенттик система жөнүндөгү ачуу чындык!
Булак: «Айгай-пресс»
КОММЕНТАРИЙ КАЛТЫРУУ