Ошентип, эки күндүк иликтөөдөн соӊ, мурдагы мамлекет башчы Алмазбек Атамбаевди экс-президент статусунан ажыратуу үчүн сунушталган тогуз айып алтыга чейин кыскартылды. Бул тууралуу Жогорку Кеӊеште өтүп жаткан мурдагы мамлекет башчы Алмазбек Атамбаевди экс-президент статусунан ажыратуу үчүн ага каршы күнөө коюу боюнча корутунду бере турган комиссиянын кезектеги жыйынынын жыйынтыгында белгилүү болду.
Жогорку Кеӊештин атайын комиссиясы тарабынан мурдагы мамлекет башчы Алмазбек Атамбаевди экс-президент статусунан ажыратуу үчүн Бишкек ЖЭБин модернациялоо жүрүшүндөгү коррупциялык жосундар, «мыйзамдагы ууру» Азиз Батукаевдин түрмөдөн мыйзамсыз бошотулушуна катышы, Бишкек ЖЭБине көмүр сатып алуудагы мыйзам бузуулар, Кой-Таш айылындагы жер участкасын сатып алуу маселеси сыяктуу айыптар белгиленген.
Белгилей кетсек, мурдагы мамлекет башчы Алмазбек Атамбаевди экс-президент статусунан ажыратуу үчүн ага каршы күнөө коюу боюнча корутунду бере турган комиссиянын корутундусунун долбоору Жогорку Кеӊештин Конституциялык мыйзамдар, мамлекеттик түзүлүш, сот-укук маселелери жана ЖК Регламенти боюнча комитетте каралууга тийиш.
КОММЕНТАРИЙ КАЛТЫРУУ