– Гүлмира Каримовна, быйылкы тестирлөөдө кандай өзгөчөлүктөр болду?
– Быйыл 11-классты 63 миңге жакын улан-кыздар бүтүп атышат. Эң башкы өзгөчөлүк – кыргыз тилин киргиздик. Кыргыз тест аркылуу тапшырып жатышат. Бул азырынча ыктыярдуу негизде. Аларга сертификат берилет. Жогорку окуу жайга тапшыруу учурунда бирдей балл алып калса, сертификаты бар абитуриентке артыкчылык берилет.
– «Бүтүрүүчүлөрдүн деңгээли жылдан-жылга начарлап жатат» деген көз караш бар.
– Ким айтып атат аны?
– ЖМКлардагы материалдардын негизинде айтып жатам.
– Ар кандай талдоолорду, баалоолорду жүргүзүп, анан кийин айтыш керек да. Быйыл жалпы тестирлөөнүн жыйынтыктары боюнча минималдык босого баллды өткөн бүтүрүүчүлөрдүн саны былтыркыга салыштырмалуу 10 пайызга өстү. Бул аябай жакшы көрсөткүч деп айтар элем. Андан тышкары, бүтүрүүчүлөрдөн 50 окуучу алтын сертификат алса, ошолордун 20дан ашыгы региондордон. Эң жогорку баллды алган Жалал-Абаддык бүтүрүүчү.
– Анда бүтүрүүчүлөрдүн деңгээлдери өсүп аткан турбайбы?
– Ооба.
Булак: «Азия ньюс»
КОММЕНТАРИЙ КАЛТЫРУУ