Алматыда 2018-жылы киши колдуу болуп каза тапкан казакстандык көркөм муз тебүү чебери Денис Тенге арналган айкел тургузулду.
Эстеликте спорчунун 2014-жылы Сочидеги Олимпиадада өнөр көрсөтүп жаткан учуру чагылдырылган. Бул мелдеште Денис Тен коло медаль утуп алган.
Эмгек Санкт-Петербургдагы айкелчи Матвей Макушкинге таандык.
Көркөм муз тебүү чебери, Сочи Олимпиадасынын коло медалынын ээси, 2014-жылы туулган Денис Тен 2018-жылы 19-июлда бычактан алган жараатынан каза тапкан.
Казак полициясы спортчу анын автоунаасынын күзгүсүн уурдагандардын курмандыгы болгонун билдирген. Денис Тендин өлүмү үчүн Нуралы Киясов менен Арман Кудайбергенов 18 жылга, Жанар Төлбаева төрт жылга эркинен ажыратылган.
Тендин өлүмүнөн кийин казак коомчулугу полицияны реформалоону талап кылган.
Булак: “Борбор Азия жаңылыктар кызматы”
КОММЕНТАРИЙ КАЛТЫРУУ