Рашт райондук милиция кызматкерлери түрмөдө отурган жарандык активист Жунайдулло Худоёровдун апасы Мавжигүл Гарибованы кармап, алты сааттан кийин бошотушту.
Гарибова уулу себепсиз түрмөдө отурганын айтуу үчүн Рашт районуна жумуш сапары менен келген президент менен жолушууну каалаган. Бирок милиция кызматкерлери президентти күтүп турган топ адамдын ичинен аны кармап кетишкен.
Рашт райондук милиция бөлүмү Мавжигүл Гарибованын кармалганы тууралуу түшүндүрмө берген жок.
Тажикстан президенти Эмомали Рахмон 24-июндан бери Рашт өрөөнүндө иш сапар менен жүрөт. Ал 27-июнда Ынтымак Күнүн майрамдоого катышат.
Жунайдулло Худоёров 2018-жылы августта “Салафия” кыймылына тиешеси бар деген айып менен 5 жылга эркинен ажыратылган. Бирок Худоёров социалдык түйүндөрдө жергиликтүү бийликти сынга алганы үчүн жазага тартылганын билдирген.
Булак: “Борбор Азия жаңылыктар кызматы”
КОММЕНТАРИЙ КАЛТЫРУУ