Бүгүн, 8-августта КСДПнын активисткасы Кундуз Ажибекова “Азыр Кой-Ташка 6000 киши жыйналды. Атамбаев аларды колдоп, сөз сүйлөдү. Ал эч кимден коркпой турганын жана акыр аягына чейин күрөшөрүн билдирди. Бүгүн саат 16.00.гө “Форумга” жыйналабыз” деп Facebook социалдык тармагы аркылуу билдирүү таратты.
Бирок, Кой-Ташта Атамбаевдин үйүндө турган 24.kg порталынын кабарчысы чындыгында ал жерге чогулган элдин саны 6000 эмес экенин, болгону 200-250дөн ашпасын жарыялады.
Кечээ 7-августтун кечинде УКМКнын атайын даярдыктагы жоокерлери Алмаз Атамбаевди кармоо операциясын ийгиликсиз аяктап, бир жоокер каза болгон. 15тен ашык жоокер жарат алып, ооруканаларга түшкөн.
Булак: KyrgyzToday.kg
КОММЕНТАРИЙ КАЛТЫРУУ