Бүгүн, 10-августта Алмаз Атамбаевдин оң колу, президенттик аппараттын экс-жетекчиси Фарид Ниязовдун баш коргоо чарасын кароо үчүн укук коргоо органдарынын кызматкерлери Бишкектин Биринчи май райондук сотуна алып келишти. Бул тууралу КСДПнын саясый кеңешинин мүчөсү Адил Турдукулов билдирди.
Фарид Ниязов 8-август күнү Кой-Таштагы Алмаз Атамбаевдин үйүнөн Атамбаев менен кошо кармалган. Фарид Ниязов 7-августтагы Атамбаевдин үйүндөгү баш аламандыктар, бийлик өкүлдөрүнө каршылык көрсөтүү, бийлик өкүлүн барымтага алуу кылмыш фактылары боюнча шектелип камакка алынды.
Булак: KyrgyzToday.kg
КОММЕНТАРИЙ КАЛТЫРУУ