Кой-Таш айылында 7-8-август күндөрү болгон окуялардын жыйынтыгында экс-президент Алмазбек Атамбаев жана анын тарапташтарына карата 8 кылмыш иши козголду. Бул тууралуу “Кабар” агенттигинде өткөн маалымат жыйынында КРнын Башкы прокурору Өткүрбек Жамшитов билдирди.
Алар: “Массалык башаламандык уюштуруу”, “Адам өлтүрүү”, “Барымтага алуу” дагы төрт иш адам өлтүрүүгө жана бейбаштык фактылары боюнча айыпталууда” – дейт башкы прокурор.
Өткүрбек Жамшитовдун айтуусу боюнча, барымтага алуу жана массалык башаламандыктар боюнча Фарид Ниязов, Алга Кылычев, Амантур Жамгырчиев жана М.Шаменовдор кармалган. Соттун чечими менен алар 8-октябрга чейин камакка алынды.
Атамбаев УКМКнын Тергөө абагында 26-августка чейин кармалат.
КОММЕНТАРИЙ КАЛТЫРУУ