ИИМдин ички териштирүү кызматы министрдин орун басары Курсан Асановдун 7-8-августта Кой-Ташта болгон башаламандыкка жол берилгендигине тийиштиги боюнча кызматтык териштирүү жүргүзүлүп жатканы боюнча маалымат таратты. Маалыматта: “Тергөөнүн жыйынтыгында Асанов кыргыз милициясынын кызыкчылыктарына чыккынчылык кылганы жана ишенимден кеткендиги үчүн министрдин орун басары кызматынан бошотулду” – деп айтылат. Учурда тергөөнүн жыйынтыктарына юридикалык баа берүү үчүн Башкы прокуратурага жөнөтүлдү. Белгилей кетсек, Асанов 2011-жылдан бери министрдин орун басары болуп иштеп келаткан. Чынында 7-8-августтагы окуялар боюнча дагы алдыда бир топ кызыктар ачыкка чыгат. Бул маселеде Асанов эле эмес, дагы бир катар атка минерлер кызматтан четтетилиши мүмкүн.
Булак: «Багыт»
КОММЕНТАРИЙ КАЛТЫРУУ