Тажикстан соода өндүрүш палатасынын төрагасы Жамшед Жумахонзода Кытайга тажик кургак жемиштерин жеткирүү тууралуу келишимге BEIJING EXPO -2019 жарманкеси учурунда жетишилгенин билдирди.
Тажик ишкерлери алгач фермерлер үчүн салыкты азайтуу жана кургак жемиштерди кайра иштетүү, таңгактоо үчүн заманбап технологияларды киргизүү керек деп эсептешет.
Учурда Тажикстандын бул багыттагы негизги соода өнөктөштөрү Орусия менен Казакстан.
Өткөн жылы Тажикстан 212 миң тонна жашылча, 447,7 миң тонна мөмө-жемиш өндүргөн.
2015-жылы Кыргызстан Евразиялык Экономикалык Биримдикке кошулгандан кийин Тажикстанда кургак жемиштерди аткезчилик менен ташуу көбөйгөн. Маселен, 2016-жылы Тажикстандан аткезчилик жол менен Кыргызстанга, андан ары ЕАЭБдин башка өлкөлөрүнө 50 миң тонна кургак жемиш жөнөтүлгөн.
Булак: “Борбор Азия жаңылыктар кызматы”
КОММЕНТАРИЙ КАЛТЫРУУ