Чоң-Алай районуна караштуу Чоң-Алай айыл өкмөтүнүн 70 жаштагы тургуну Камил ажы Абдижапаров көзү тирүү кезинде өзүнө аш өткөрдү. Бул тууралуу «Турмуш« басылмасы жазып чыкты. Камил ажы Абдижапаров ысырапкорчулукту жоюу максатында ушундай кадамга барганын билдирди. Анын айтымында, аш өткөрүү бизнеске айланып кеткен.
“Кээ бир адамдар балдарына «мени эл көргүдөй кылып көмгүлө” деп адйтат экен. Мен балдарыма “мен өлсөм мал сойбогула” дедим да, азыр эле аш өткөрүп койдум. Жубайым экөөбүз тең жакындарыбызга “кийит, конверт алып келбегиле” деп эскерттик. «Мал алып келсеңер, кайра унааңарга салып берем» дедим. Ушундай жол менен башкаларга үлгү болуп, ысырапкерчиликти токтотоюн (!) деген ой келди. Адам каза болгондо аны менен үч күн коштошуп, баардык көңүл каза болгон адамга бурулушу керек. Биздө өлүктү жаап коюшат да, мал союу, эт жеткирүү, баштык берүү менен алек болуп жатышат» дейт Камил ажы Абдижапаров.
Булак: «Азия ньюс»
КОММЕНТАРИЙ КАЛТЫРУУ