Тажикстан кыргыз-тажик чек арасындагы такталбаган аймактагы курулуш иштерин токтотту, деп билдирди Мамлекеттик чек ара кызматынын басма сөз кызматы.
Лейлек районунун Максат айылындагы футбол талаасынын аймагындагы курулуш иштери 16-сентябрда токтотулган. Ал эми кечээ 18-сентябрда Баткен районунун Жака-Өрүк (Төрт-Көчө) айылындагы курулуш иштери токтотулду.
Чек ара кызматынын маалыматына караганда, учурда кыргыз-тажик чек арасындагы абал туруктуу. Аймакта бардык өткөрмө пункттар штаттык режимде иштеп жатат. Ошондой эле «Кулунду—унаа жолу» өткөрмө пунктунда Тажикстан тарап Кыргызстан менен Тажикстандык жарандарын өткөрүп баштады.
«Ошондой эле Кыргызстандын Чек ара кызматынын бөлүктөрү күчөтүлгөн тартипте кызмат өтөп жатышат. Кыргызстан жана Тажикстандын Чек ара кызматтарынын өкүлдөрү сүйлөшүүлөрдү улантууда», – деп айтылат билдирүүдө.
————-
Белгилей кетсек, 16-сентябрь күнү кечинде кыргыз-тажик мамлекеттик чек арасында абал курчуп, Лейлек районунун Максат айылындагы футбол талаасындагы аймакта саат 19:00-19:40 чамасында ок атылган.
Булак:KyrgyzToday.kg
КОММЕНТАРИЙ КАЛТЫРУУ