Жогорку Кеңештин депутаты Руслан Казакбаев жыл сайын бюджетке киргизилген курулуштар бүтпөй, мурдагысы калып, кийинкиси башталып башаламандык жүрүп жатканын сынга алды. Буга байланыштуу: “Жайында кайда барбайлы, жер-жерлердеги тендерден уткан курулуш компаниялары каржы бөлүнбөй жатат деп отурушат. Капиталдык салымдар, курулуш боюнча жыйынтыктуу иш жок. Болбосо ошол Нарындагы мектептин абалы канча жылдан бери эле маселе болуп келген экен. Каржы бөлүнбөй, тизмеге кирбей келген да. Анан айласы кеткен губернатор контейнер мектеп куруп койсо аны талкуулап жатабыз. Бирок маселе так ушул капиталдык салымдарды бөлгөн жердеги коррупцияда жатат. Нарындын экс-губернатору Аманбай Кайыпов контейнерден мектеп куруп ырас кылган экен. Болбосо капиталдык курулуш боюнча алешем иштер ачыкка чыкпай калмак” – деп каңырык түтөттү.
Булак: «Фабула»
КОММЕНТАРИЙ КАЛТЫРУУ