Өткөн аптанын урунттуу окуяларынын бири болуп 2010-жылдагы Апрель окуясынан кийин бийлик колго тийген убактылуу өкмөттүн мүчөлөрүнүн сахнага, тоюс саясатка кайтышы болду десек жаңылышпайбыз. Дегенибиз, арадан 9 жыл өтсө да, ушул кезге чейин булардын баштарынын биригип, бир жерге олтуруп, ойлорун ортого салганын көргөн жок элек. Президент буларды чакырбаса баштары деле бирикмек эмес окшойт деп калдык. Убактылуулардын кадамы мындан ары кандай ташталат, кайсы багытка айдалат, кимиси кайдан жай табат, кимиси кайда айдалат, жолугушууда эмне сөз болгонун (дүжүр сөздөрдөн тышкары) кимиси коркпой айта алат? Бул суроолорго азырынча жооп жок. Бирок, алдыда саясаттын ыссык болору, парламенттик шайлоонун жакындаганы азыртадан эле билинип калды. Кандай болсо да убакыт тараза.
Булак: «Факты.kg»
КОММЕНТАРИЙ КАЛТЫРУУ