Эске салсак, Асылбек Жээнбеков КСДПнын катарынан расмий түрдө чыгып кеткен. Учурда анын кайсы партия менен аттана турганы коомчулукка табышмак болуп, так маалыматтар чыкпай турат. Бийлик кошоматчылары, олигархтар, «чимкириктер», деги кайсы тараптагы таасирдүү күчтөрдү албайлы, баары Асылбек Жээнбековго түздөнүүгө аракет кылышып, ал кайсы партия менен аламанга аттанса, ошол жагына ыктоого жан сабап турушат.
Кызыгы, аз күн мурда Асылбек Жээнбеков парламенттик шайлоого катышуудан баш тарта турганы боюнча кеп тарады. Сунуш Сооронбай Жээнбековдон чыкканы тууралуу айтылууда. Эгерде мындай болсо президент упай алат. Ал эми иниси депутат болбосо деле саясый фигура бойдон кала берери айдан ачык, күндөн жарык көрүнүп турбайбы?…
Булак: «Азия ньюс»
КОММЕНТАРИЙ КАЛТЫРУУ