7-октябрда Бишкектен, көрүстөндүн жанынан жүргүнчүлөрү таксистке кол салышкан. Бул тууралуу Бишкек ШИИБси билдирди. 7-октябрда таксист Ленин райондук ИИБсине кайрылган. Анын айтымында 7-октябрда саат 01:30 чамасында жүргүнчүлөрү көрүстөндүн жанына токтотушуп, коркутуп-үркүтүп, «Мицубиси-Галант» автоунаасын тартып алганга аракет кылышкан. Кылмышкерлер оюн жүзөгө ашыра албай калышкан. Айдоочу түзүлгөн кырдаалдан пайдаланып, машине ачкычын алып, качып кеткенге үлгүргөн.
Ленин ИИБсинин ыкчам тобу шектүүлөрдүн сары изине чөп салып, 1999-жылы туулган А.А. жана 2001-жылы туулган Б.Э. аттуу жаш балдарды колго түшүрүшкөн. Тергөө амалдары жүрүүдө.
Булак: KyrgyzToday.kg
КОММЕНТАРИЙ КАЛТЫРУУ