Кечээ, 13-октябрда Ленинград облусунун Киров районундагы кафеден киши өлтүргөн немеге издөө салынды. Күбөлөрдүн айтуусу боюнча, кечки мейманга ди-джей коюп жаткан музыка жакпай калып, музыканы алмаштырууну суранат, алып баруучу макул болбойт. Ошондо тигил койнунан бычак алып чыгып, жаш жигитти как жүрөккө сайган. Аны ооруканага жеткиришкенде, эсине келбей, жан берет. Байкоо жүргүзгөн видео камерадан меймандарды тейлеген официант ары жактан ашбычак менен залга кирип келгени, бирок олтургандар аны кармап, ашбычагын колунан жулуп алышканы да түшүп калган. Бычак жеген жигит официанттын артынан темтеңдеп баратып, жерге кулап түшкөн. Бычак сайган азербайжан улутунан экени аныкталып, ага издөө салынды.
Булак: KyrgyzToday.kg
КОММЕНТАРИЙ КАЛТЫРУУ